ප්‍රාදේශීය ලේකම් කාර්යාලය - ඒරාවූර් නගරය

ஏறாவூர் நகர மத்தியஸ்த சபைக் குழாத்திற்கான புதிய மத்தியஸ்தர்கள் நியமனம்

219ம் இலக்க ஏறாவூர் நகர மத்தியஸ்த  சபைகள் குழாத்திற்காக 33 மத்தியஸ்தர்கள் (26 ஆண்கள், 07 பெண்கள்)

தெரிவு செய்யப்பட்டுள்ளனர். மத்தியஸ்த சபைகள் ஆணைக்குழுவினால் நடாத்தப்பட்ட நேர்முகப்பரீட்சை , 5 நாள் பயிற்சி

மற்றும் பரீட்சை என்பவற்றில்பெற்றுக்கொண்ட புள்ளிகள் அடிப்படையில் தெரிவுசெய்யப்பட்ட மத்தியஸ்தர்களுக்கான

நியமனக்கடிதங்கள் வழங்கும் நிகழ்வு 18.05.2022ம் திகதி பி.ப 3.00  மணிக்கு ஏறாவூர் நகர பிரதேச செயலாளர்

திருமதி. நிஹாறா மௌஜுத் தலைமையில் நடைபெற்றது.

இந்நிகழ்வின் பிரதம அதிதியாக மட்டக்களப்பு மாவட்ட அரசாங்க அதிபரும் மாவட்ட செயலாளருமான

திரு. கணபதிபிள்ளை கருணாகரன் கலந்து சிறப்பித்ததுடன் அதிதிகளாக ஏறாவூர் நகர பிரதேச செயலக உதவித்திட்டமிடல்

பணிப்பாளர் திருமதி. M.A.H. சிஹானா, முன்னாள் மத்தியஸ்த சபை தவிசாளர் M.M. இஸ்மாயில் ஆகியோர் கலந்து கொண்டனர்.

நீதி அமைச்சின் கீழ் உள்ள மத்தியஸ்த சபைகள் ஆணைக்குழுவின் உத்தியோகத்தர்களான மத்தியஸ்த பயிற்றுனர்

M.I.M ஆஸாத், மத்தியஸ்த அபிவிருத்தி உத்தியோத்தர்களான திருமதி. சாந்த தர்மினி விமல சந்த்துரு மற்றும் M.A.M அஜுன்

ஆகியோரின் நெறிப்படுத்தலோடு மேற்படி நிகழ்வு நடைபெற்றதுடன், 

ஏறாவூர் நகர மத்தியஸ்த சபைகள் குழாத்தின் புதிய தவிசாளராகவும் முதலாவது பெண் தவிசாளராகவும்

திருமதி பஹியா அப்துல் காதர் நியமனக் கடிதத்தினை பெற்றுக்கொண்டமை விசேட அம்சமாகும்.

  பிரதேச இளைஞர் கழக சம்மேளன புனரமைப்புக் கூட்டம் - 2022

ஏறாவூர் நகர் பிரதேச இளைஞர் கழக சம்மேளனத்தின் 2022 ஆம் ஆண்டிற்கான பொதுச்சபைக் கூட்டமும், புதிய நிருவாகத் தெரிவும், இப்தார் நிகழ்வும் பிரதேச செயலக கலாசார மத்திய நிலையத்தில் இடம்பெற்றது.

இந் நிகழ்வானது தேசிய இளைஞா் சேவைகள் மன்ற மட்டக்களப்பு மாவட்ட உதவி பணிப்பாளர் திருமதி. ஜேசுதாசன் கலாராணி, பிரதேச செயலக இளைஞர் சேவை உத்தியோகத்தர் AW.இர்சாத் அலி, பிரதேச கலாசார மத்திய நிலைய பொறுப்பதிகாரி MI. மஹ்பூழ் ஆகியோர்களின் முன்னிலையில் நடைபெற்றது.

"நாட்டைக் கட்டியெழுப்பும் சுபீட்சத்தின்" நோக்கு எனும் அரச கொள்கைப் பிரகடனத்திற்கமைய மலர்ந்த 2021 ஆம் ஆண்டின் முதலாம் நாளாகிய இன்று வெள்ளிக்கிழமை காலை 9.00 மணிக்கு பிரதேச செயலாளர் திருமதி நிஹாரா மௌஜூத் அவர்களின் தலைமையில் விசேட நிகழ்வொன்று நடைபெற்றது.

இதன் போது பிரதேச செயலாளரினால் தேசியக் கொடி ஏற்றி வைக்கப்பட்டு நிகழ்வு ஆரம்பிக்கப்பட்டதுடன், பிரதேச செயலகத்தின் அனைத்து ஊழியர்களும் அரச சேவை உறுதியுரை/ சத்தியப் பிரமாணம் மேற்கொண்டனர்.

 COVID 19 வைரஸ் பரவுவதை தடுப்பதற்காக அனைத்து ஊழியர்களுக்கும் மற்றும் எமது சமூகத்திற்கும் உள்ள பொறுப்புகளை வலியுறுத்தும் வகையில் பிரதேச செயலாளரினால் உரை நிகழ்த்தப்பட்டது. மேலும் சுபீட்சமான இலங்கையினுள் பயனுள்ள பிரஜைகளை, பண்பாடான, ஒழுக்கமுள்ள சமுதாயத்தை உருவாக்க ஊழியர்கள் ஒவ்வொருவரும் நேர்மையுடன், தாமதமின்றி, அர்ப்பணிப்புடன் தமது பங்களிப்பை வழங்குமாறும் தனது உரையில் குறிப்பிட்டார்.

அத்துடன் கடந்த 2020 ஆம் ஆண்டில் சிறப்பாக கடமையாற்றிய உத்தியோகத்தர்களுக்கு மெச்சுரை (COMMENDATIONS AND CENSURES) பிரதேச செயலாளரினால் வழங்கி வைக்கப்பட்டது விசேட அம்சமாகும்.