Divisional Secretariat - Eravur Town

Details

Parent Category: Top Menu

77வது சுதந்திர தினம் ஏறாவூர் நகர பிரதேச செயலகத்தில் கொண்டாடப்பட்டது

இலங்கையின் 77வது சுதந்திர தினம் (04.02.2025) ஏறாவூர் நகர பிரதேச செயலகத்தில் பிரதேச செயலாளர் மதிப்புக்குரிய ஜனாப் SH.முஸம்மில் அவர்களின் தலைமையில் கொண்டாடப்பட்டது. 

இந்த நிகழ்வில் உதியோகத்தர்களின் ஆக்கபூர்வமான  சிந்தனைக்காக 5s எண்ணக்கரு தொடர்பாக பிரதேச செயலாளரால் விளக்கமளிக்கப்பட்டது.

Details

Parent Category: Top Menu

2025ஆம் ஆண்டுக்கான கடமைகளை ஆரம்பிக்கும் நிகழ்வு  ஏறாவூர் நகர் பிரதேச செயலகத்தில் இடம்பெற்றது.

ஏறாவூர் பிரதேச செயலகத்தின்  2025.01.01 இன் #கிளீன்_சிறீலங்கா (Clean srilanka) தேசிய நிகழ்ச்சித் திட்டத்துடன் இணைந்ததாக 2025 ஆம் வருடத்தின்  கடமைகள்  ஆரம்பிக்கப்பட்டது. ஜனாதிபதி செயலகத்தில் நடைபெற்ற  கிளீன் ஸ்ரீலங்கா நிகழ்ச்சி திட்டத்தை ஆரம்பித்து வைக்கும் தேசிய விழா உடன் இலத்திரனியல் அலைவரிசை மூலம் நேரடியாக ஒலி/ ஒளிபரப்பு செய்யப்பட்டது.

ஏறாவூர் பிரதேச செயலாளர் திருமதி. நிஹாரா மௌஜுத் தலைமையில் இடம்பெற்ற இந்த நிகழ்வில் சகல நடவடிக்கைகளிலும், அனைத்து பிரசைகள் உயர் சமூக அந்தஸ்தை அடைவதற்கு உறுதுணையாக அமைகின்ற, ஒற்றுமை, பொறுப்புக்கூறல், சிக்கனம், வெளிப்படைத்தன்மை மற்றும் சமத்துவம் ஆகிய விடயங்களை முன்னுதாரணமாக கடைப்பிடிப்பதற்கும், அத்தர நியமங்களை பாதுகாத்த வண்ணம் பிரச்சினைகளுக்கு தீர்வு காண்பதற்கும் அரச ஊழியர்கள் என்ற வகையில் அர்ப்பணிப்புடன் செயற்பட வேண்டும் என வலியுறுத்தப்பட்டது.

அத்துடன் உத்தியோகத்தர்களால் மேற்கொள்ளப்பட்ட வேலை திட்டங்கள் தொடர்பான அறிக்கைகள்  நிகழ்வில் சமர்ப்பிக்கபட்டது.

Details

Parent Category: Top Menu

மோட்டார் வாகன அனுமதி சீட்டு விநியோகம் தற்காலிக இடைநிறுத்தம் தொடர்பாக.

கிழக்கு மாகாண மோட்டார் போக்குவரத்து பிரிவின் அறிவுறுத்தலுக்கு அமைவாக தேர்தல் கடமைகளுக்காக உத்தியோகத்தர்கள் செல்வதனால் 13,14 ஆம் திகதிகளில் (புதன்கிழமை, வியாழக்கிழமை)மோட்டார் போக்குவரத்து பிரிவின் மோட்டார் வாகன அனுமதிச்சீட்டு வழங்கும் சேவைகள் இடம்பெறாது என்பதனை பொதுமக்களுக்கு அறியத்தருகின்றோம்.

மீண்டும் 18/11/2024 ஆம் திகதியே இச்சேவைகள்  இடம்பெறும் என்பதனால் இத்தினங்களில் அனுமதிப்பத்திரம் பெற வேண்டியவர்கள் முன்கூட்டியே (நாளைய தினம் 12/11/2024) பெற்றுக் கொள்ளுமாறு  கொள்ளப்படுகின்றீர்கள். 

தகவல்:

பிரதேச செயலாளர்,

பிரதேச செயலகம்,

ஏறாவூர் நகரம்.

11/11/2024

Details

Parent Category: Top Menu